و الله حرااااام .. يا حكومة
الناس منك . ..... مصدومة
لا مشاريع
صناعة. ولا زراعة
وعلي الخرسانة
بس معزومة. ..!!
بقيتي يا حكومة
.....رخمة
مشاريع إسكان ....
ضخمة
و الراجل
...... ضرب لخمة
و قرب.............
يشق هدومه ....
و الله حراااااام
يا حكومة
بكفاية بقي .............حجر
نظرة شويه............... للبشر
هو المرار ........ أصبح قدر
نشوف في النهار
....نجومه ....
بقيتي يا حكومة
نسيانه
و شغلك كله .......
خرسانه
و ايدك ع المرتبات
قرصانه
و قلقتي علي الواحد نومه......
هيا الخرسانة تعمل مستقبل
تمنع ولادك .... تبحر و تقبل
المشاريع لازم ........ تتغربل
المصاري عندنا... .
محكومة ....
و الله حراااااام
يا حكومة
فكري في مشارع. . إنتاج
و الشعب يلبسك ... .... تاج
و لا جلدك
.......أصبح صاج
مش حاسه بصبره و
همومه.....
الشعب ياكل... رجول
فراخ
و بقي .....
من عمايلك داخ
زهق من ملام. و صراخ
و مش قادر...... يكمل يومه ...
الكيل...................
طفح مرار
من احتكار
..و جشع التجار
و مش لاقي ..... منك قرار
متهان من
أولاد عمومه ...
و الله حراااااام
يا حكومة
نار. الأسعار .............بتزيد
و انتي همك كله حديد
لما الدم .... هرب
م الوريد
و شمتي فيه
......خصومه...
مش قادر ....
يكفي طلبات
و الهدمة عليها .. .....رقعات
كل رقعة بتصرخ.........آهات
من حمل الفقر......... و كومه....
أصل الفقر............ ليه ناسه
حافظ. طريقه ......و مقاسه
لا عارف رجله من
راسه
كأن ثعبان ......نفث سمومه.....
و الله حرااااام
يا حكومة
ميه و كهربا .. .. .. .. و غاز
و رسوم و ضرايب.....
ألغاز
و الصبر قابل .........للنفاذ
و الآه
في الصدر مكتومة .....
و الله حرااااام
يا حكومة
طول عمره بالع...... لسانه
و لسانه ديما.............. حصانه
كاتمه في بقه
........و صانه
و ما لاقي غير
.... صومه
و الله حرااااام يا حكومة
★★★★★★★★★★★
)...شعر : د/عمر عبد الجواد عبد العزيز .){kind=link}
0 comments:
إرسال تعليق