في لحظة
تجلي
سألني الشيخ
مجللي
ليه
بيكون المستورد
أغلي من
المحلي ؟؟...
تعالي أقولك
يا خلي
المستورد معاه
عمولة
بنسبة كبيرة
معقولة
و
من الجميع مقبولة
بالأمر المباشر
تملي .....
المستورد ليه
مافيا
تحتكر السوق
عافية
حتي
لو النية
صافية
تكلفته علينا.
يعلي . ..
و
المستورد ليه ناسه
تعرف طريقه
و مقاسه
لو حد علي طرفه داسه
سعره علينا
....يغلي .....
لو الاجنبي
فكر يبيعنا
العمولة يبقي
لها معني
ما
نقدرش عنه نستغني ؟
و
عنها نصوم و نصلي ..
والمحلي
محتاج زراعة
و
يمكن كمان صناعة
و تشوين
هنا في
قاعة
و
عمال تشتغل ما تخلي....
و المحلي هنا
موجود
يفيد .
.. ساعة الركود
لو
اتقفلت علينا الحدود
و
لا حد بشروطه يملي.....
ضروري نغير
الخطة
و
نزرع شعير و حنطة
ولا نأذن تاني في مالطة
و
المستورد عنا يولي ....
نزرع ما
نزرع .. بأدينا
و
نصنع ما نلبس علينا
و
لا حد.
يكسر عنينا
و
أولادنا في بلدنا
تظلِ.....
ما
فيش غير
البلدي
إنتاج أخويا
و ولدي
هو ضهري
هو سندي
و
يزود الناتج المحلي ...
★★★★★★★★★
)...يقلم الشاعر د /عمر عبد الجواد عبد العزيز){kind=link}
0 comments:
إرسال تعليق