إفندينا واخد قرار
لجل عيون أم الدولار
نسامح و نتصالح
و نعمر أبو الديار ...
مهما كان فعله جارح
أصله في الماضي
كان فالح
بيعرف يعمل مصالح
و يفك أقوي حصار ...
طالما الجنسية مصري
و القرار لينا حصري
خليك راجل عصري
و انسي سنوات الدمار
....
يهرب مليار
و يصالح بمليون
أصله مكار
و معاه كله يهون
يعرف إمتي يمشي
.و إمتي
يخون
و الدنيا لسه عمار .
..
المهم الدنيا ماشية
و معانا أحلي حاشية
و مركبنا
ع الشط راسية
مع الطبال و الزمار .....
مافيش أحلي من العز
العيشه معاه ....
تلز
ناكل بط و وز
و ننسي أيام المرار .....
لو فيه من صنفه ألف
و من كل واحد ظرف
السيارة ترجع للخلف
و أفندينا عنده أعذار ....
حرص بس من صهيون
تراب الوطن
غالي ما يهون
لو دفعوا
في الشبر مليون
مستحيل نقبل إنحدار ..
و أفندينا واخد قرار.....
★★★★★★★★★
..شعر: د/عمر عبد الجواد عبد العزيز){kind=link}
0 comments:
إرسال تعليق