لاجل ما تعيش الأميره
الخدم لازم تموت
أما حاشيتها الكبيره
كلها ياناس كيوت
لاجل تتهنا في نومه
كل غلبان تسلخوه
ولا يوم تقوم له قومه
لجيبه دايما نفضوه
لاجل ما تِكتر همومه
يبقا دايما فى مشاكل
حتى لو حيبيع هدومه
ولا حتى لبعضه ياكل
لاجل أميرتنا الكريمه
تعلا رايتها لفوق
الفقير ما يكون له قيمه
أو من الأحزان يفوق
ليل نهار عَد ف نجومه
كهربا وميه وغاز
ورغيفين دول قوت ليومه
لو بملح دا يبقا فاز
عاوز إيه تاني المواطن
غير يعيش بس بأمان
لو في جُحر حيبقا ساكن
يحمد الله على اللي كان
الصراحه مالوهش فايده
خساره حتى لُقمته
منه مافيه غير مكايده
ولا فى علاج دوشته
والخلاص منه ضروره
بأي شكل وأي لون
مهما كان وبأي صوره
والأميره بخير تكون
0 comments:
إرسال تعليق