وعندي دا معناه
ببساطه أشرحلك
الشعر يعني شعور
صادر ومن قلبك
لا تلف فيه وتدور
بحروفه بان صدقك
وبدون قوالب حجر
وقيود على فكرك
وبحور تتوه بينها
تغرق فيها لشوشتك
بحور لا هي قرآن
ومن السما نزلك
ولا هي رسالة نبي
بها جاي يبين لك
واجبه عليك ولزوم
ولا انتهي أمرك
قوالب صناعة بشر
عاشوا بزمان قبلك
يعني يادوب تنظيم
وميزان بيوزن لك
توزن به لو حبيت
أو لأ دا يِرجعلك
إكتب وما تخبيش
ما جِه على خاطرك
مادام تراعي الأصول
وقيمنا ما يهمك
اللي لخواطرك لام
وبسوء هجا انتقدك
وكان له معنى وهدف
فيه خير ما حيضرك
0 comments:
إرسال تعليق