إنت بتهدم مساكن
و لا بتهد اللي
ساكن ؟
رعاياك يا افندينا
فين نور عنينا
و الحق مش علينا
الحق علي حظ
بقي أسود داكن
.....
إنت بتهدم مساكن
و لا بتهد اللي ساكن ؟
الفقير ذنبه إيه
بتجيب اللوم عليه
تكسر خاطره
و عنيه
و تهد الأماكن .....
أبراج كتير. مخالفة
و الناس
شايفه و عارفه
يتصالحوا مع الرأفة
والفقير
علي جنب راكن ....
إنت بتهدم مساكن
و لا بتهد اللي ساكن ؟
قبل ما تهد
تعرف
ظروف الناس
و تشرف
علي توفير
مكان انضف
بدل من مبيت
يقرف و لكن ...
إنت بتهدم مساكن
و لا بتهد اللي
ساكن ؟؟
الحكومة أكيد مسؤولة
عن توفير
مساكن معقولة
لفقرا ظروفها
مقبولة
ساكنة في قلب المدافن .....
العدل أساس الملك
أموال رايحه علي الهلك
إرحموا.
يا ناس الخلق
من الذل و لا تنشل
..... من هدم المساكن
....
★★★★★★★★★★
)..بقلم: د/عمر عبد الجواد عبد العزيز){kind=link}
0 comments:
إرسال تعليق