شوية ملاغية
مع الستات
فيه ستات
كل ما تطلع تقولك هات
و مع مرات إبنها
شغل حموات
تطلع العين و التانية ....
و فيه ستات
ما وراها غير النكد
وغيرة و غل و حسد
و في البيت كأنها وتد
و تخلع جوزها في ثانية ......
و هيا ليه الدنيا
قايمة
رجالة وستات مش نايمة
علي قانون الأحوال
والواحد أصبح في حال
مع أن الدنيا مش دايمة ...
و الجديد و الأغرب
لازم تجرب قبل ما تقرب
ليكون البعيد أجرب
فيها إيه لو تعيش أعزب
ولا شبكة و مهر و قايمة ....
و فيها إيه يعني
لو كل زوج سامعني
يطلق مراته و يطاوعني
لو علي عوم أمها عايمة ....
زي الشرع ما قال
للزوجة الناشز أحوال
نصيحة و هجر و ضرب
و لا نسمع لكلام الغرب
و تطلقها و يرتاح البال ...
و لا في الليل نايمة
و طول النهار صايمة ....
الزوجة لازم تعرف
الزوج هو اللي بيصرف
مش بيجيب
من بحر و يغرف
و تعيش معاه
علي أد الحال
ولا عينها من النكد وارمة....
طبعا. مش كل الستات
فيه ستات. .. شربات
إبنة
و زوجة و أمهات
في الحنان تقول أبيات
و في الحب والغرام هايمة.....
★★★★★★★★★★
)..بقلم: د / عمر عبد الجواد عبد العزيز){kind=link}
0 comments:
إرسال تعليق