ليه بقيتي وبقساوه
نازله تشريط في الجيوب
الغني بيزيد غلاوه
والفقير في الفقر دوب
إرحمينا خلاص تعبنا
ماعادشي فينا
ألف رقعه بقت فى توبنا
وغُلبنا لواحده كافينا
مش ملاحقينها مصايبك
كل يوم شكل وطريقه
من رسومك أو ضرايبك
كل بيت بقا فيه حريقه
الفقير بقا حيطه مايله
وبغباوه الدوس عليه
زاعقه منه ليه وشايله
بكُره زايد تطحنيه
فين نروح ياريت تقولي
وبصراحه بدون مواربه
إحبسينا لو تطولي
على الأقل نفوز بوجبه
واعتقينا من العذاب
ما عادش فاضل غير هوانا
إعمليله ألف باب
وإقفليه في الموت دوانا
وإحنا رافعين الأيادي
نِدعي للمولى اللي عالم
ينتقم من كل عادي
يوم ما تترد المظالم
0 comments:
إرسال تعليق