صباح الخير على الدنيا
اللى عايشنها ومش عايشين
صباح الخير على الصبح
اللى بينور ونوره حزين
صباح الخير على ولادك
على شبابك على الجعانين
على القاعدين وع الواقفين
على السارحين فى ملكوتك
وتاهو كتير ما بين قوتك
وغرقوا كتير ف الزحمة
وتعبوا كتير مفيش رحمة
مفيش لحمة تسد الجوع
صباح الخير ع العايشين
ف عالم تانى مش راجعين
صباح الخير ع الصاحيين
وع النايمين ومش داريين
صباح الخير ع الدنيا
اللى عايشنها ومش عايشين
صباح الخير ع الصبح
اللى بينور ونوره حزين
.................
**كاتب القصيدة
شاعر وصحفي من الفيوم
عضو نادي أدب اطسا
0 comments:
إرسال تعليق