امراة بدوية تصف ( فارس أحلامها ) قصيدة للإعلامي والشاعر علي السعدي ..مستوحاة من لوحة ( فارس الفجر ) للبرفيسور أ.فن .د هانى محى الدين

حياك الله يا هانيء فارس وخيال ...

نسال الله ان يعزك دوم ...

وانت قاهر كل الأرجال

بيك تحجي كل العرب ...

لانك بطل ومنك صعب المنال

وانت فخرنا يا ابن الاجوايد ...

وبيك نرفع راسنا ونبني الآمال

شد السرج واللثام على الفرس ...

وخلي نصعد فوك الاجبال

وربي يسعدك ويحققلك احلامك ...

لأنك شجاع وانت بالفجر خيال

حبك دخل للقلب بساع ...

وحيرني وسوى بيا الأهوال

هيبة وانت على ظهر الفرس ...

والله زرع بيك كل صفات الجمال

عشكك مو عشك يوم وليلة ...

من زمان وانت دوم عل البال

وشلون اكدر انسى اجمل الايام ...

كضيناها سويا هذا أمر محال

ودمع العين نشف من فركاك ...

وخربط بيا كل الأحوال

وخليتني أسهر للصبح كل يوم ...

اغني الك اجمل عتابه وموال

تعال .. استظيفك عند اهلي ...

وجيب وياك العم والخال

تشربون كهوتكم عدنا بالفنجان ...

واني ما يهمني الذهب ولا المال

المهم يعشق حبيبته ويحبها للموت ...

وزلمة نشمي وابن اصول

وهاي اجمل صفة بالأرجال .

اخر الاخبار