كل عام
وإحنا بخير
لو صحا
فينا الضمير
كل شىء
يمشي بأصوله
يبقا صح
ومش بزور
أو
برشوه أو بواسطه
ولا
بأمور الأوانطه
وبفساد
لاجل المرور
إكراميه
ملو شنطه
بيها
بنطير ألف نطه
نبقا في
بداية الطابور
كل عام
واحنا بخير
لو
كرهنا للحرام وصنعته
حتى لو
كان فيه عبور
و مهما
كانت فايدته
يبقا
بينه وبينه سور
الحرام
دا نهايته سوده
لو
طريقه يكون حرير
أما
الحلال الله عليه
لو نقف
له ف ألف دور
لو يبان
حتى انه صعب
نهايته
فرحه والسرور
يكفي
إنه فيه لنا النجاه
وياريته
يبقا خط سير
ساعتها
نبقا بجد فعلا
كلنا
بمية ألف خير
0 comments:
إرسال تعليق