طعم الشقا
جرد ملامحي كلها
من كل فرحة
كانت زمان
سكة أمان
يعزفها قلبي
ك..الكمان
يغزلها توبي
عود ريحان
عطره بيطرح
ف..المكان
يروي حنين
كل الحيارى
العطشانين
في دروب
غريبة..مخضرة
رغم الجفا
رحلتها قصة
مسطرة
بمعنى الوفا
مايدق بابها
إلا عاشق
في الطوفان
غرقان..
وبالحب إكتفى
وبرغم طعم الهجر
..كافر
أنا لسةوسط الموج
بعافر
عارف إن ف يوم
رح أشبع وأرتوي
من ملحك الطارح
جناين
جوا دوامة الوجع
و أكون آية
يسطرها التاريخ
بكرة..في أسراره
ويقصدها الغريب
فكرة.. تكون داره.
أنا بداية
بيسردها النديم
سَكرة.. يفوق حاله
يلحنها الجريء غنوة
.. ل مواله
أنا ياأمايا مش بايع
حنيني..الصبر
غنى له
ولترابك أكيد راجع
زماني ..الفرح
يحلى له.
0 comments:
إرسال تعليق