مقطع (1)
ليل داخلى
المنزل ضلمه
الزوجة (بصوت عال وهى تجلس
مستربعة):وقعت الرتينه ليه يا عزت؟!
الزوج (يجلس القرفصاء ويقول
باندهاش):أنا جت يمتها..هى اللى وقعت!
الزوجة (بشدتها المعهودة):قوم هات
واحده غيرها؟!
الزوج (فى حالة انكسار):حاضر
مقطع (2)
ليل داخلى
الزوج يدخل المنزل متجها إلى (الكلوب) يركب الرتينه
الزوجة (بصوت عال):جبت الرتينه يا
عزت
الزوج (وهو يضغط على اسنانه):يا
وليه اتهدى هو أنا بعمل ايه دلوقتى؟!
الزوجه (بصوت عال):يعنى بتركب
الرتينه؟!
الزوج (يرفع وجهه عاليا)مرددا: ارحمنى
يارب!
الكلوب نور الاوضه
العيال:هيه هيه هيه..النور جه.. النور
جه..النور جه
فجأة الرتينه وقعت والنور قطع
الزوجه (بصوت عال واستهجان):الرتينه
وقعت يا عزت؟!
الزوج (مرددا كلمات غير مفهومه):حاضر
مقطع (3)
ليل داخلى
الاوضه ضلمه والعيال قاعدين جنب
امهم وعزت دخل الاوضه متجها ناحية الكلوب..ركب الرتينه
الزوجه:ركبت الرتينه يا عزت؟!
الزوج:بركبها اهوه
الاوضه نورت
العيال فى صوت واحد:هيه هيه..النور
جه..النور جه..النور جه
فجأة..الرتينه وقعت والاوضه ضلمت
الزوجه (بصوت اعلى):الرتينه وقعت
يا عزت؟!
عزت: (بانفعال مرددا كل أنواع
السباب رافعا الكلوب وراح كسره فى الأرض )
ووجه وجهه إلى الزوجة قائلا:قومى
هانى لمبة الجاز بأه!
.........
بعد انتهاء المشاهد
الشاعر يسأل:
يا ترى العيب فى مين
اختر من متعدد زى الامريكان
(الكلوب-الرتينه-الزوج-العيال-الزوجة-كاتب
هذه السطور)
0 comments:
إرسال تعليق