• اخر الاخبار

    السبت، 28 يناير 2023

    إبن الهرم والنيل ..بقلم: محمد عنانى

     


    أنا إبن الهرم والنيل

    وإبن الآلام والويل

    تتغنى فى المواويل

    إبن الأمل والأمانى

    وحلم طارح أغانى

    ونهار بضيه الحانى

    مصرى بطبعى أصيل

    رغم إن ليلى طويل

    وحظى يمكن قليل

    شقيان وعايش بأعانى

    وهمومى هدت كيانى

    ودنيا كيدها ضنانى

    شغلانى ومكعبلانى

    فى أمورها ومحيرانى

    وملجمه لى لسانى

    لكنى عمرى ما أميل

    عن حلم عمرى الجميل

    ولا عندى غيرها بديل

    دي مصر بلدى ومكانى

    فى الماضى دُره وزمانى

    وعِشق جارف ملانى

    بأحكيه بكل المعانى

    ما هيا حضنى وحنانى

    وشطى فيها وأمانى

    إبن مصر وكفانى

    • تعليقات الموقع
    • تعليقات الفيس بوك

    0 comments:

    إرسال تعليق

    Item Reviewed: إبن الهرم والنيل ..بقلم: محمد عنانى Rating: 5 Reviewed By: موقع الزمان المصرى
    Scroll to Top