كيف كان يتكلم جمال عبد الناصر عن الاسلام والاشتراكية فى الإسلام وعلاقة الاخوان بالرجعية والاستعمار..بقلم : عبد الناصر لطفى ..المحامى

 

ان الدين لا ينادى بالاستغلال والدين لا ينادى بالاستعباد  .. الدين ينادى بالمساواة والدين ينادى بان اموال المسلمين تكون للمسلمين مش لملوك المسلمين  دى الاشتراكية .. الاشتراكية بتقول ان اموال المسلمين للمسلمين و الرجعية بتقول  ان اموال المسلمين لملوك المسلمين والدين بيقول ان اموال المسلمين للشعب مش للملوك  اذن الاشتراكية تتمشى مع الدين والنهارده طبعا  الاسلام عقيدة يؤمن بها الشعب المسلم  العربى  فلا بد  للرجعية ان تتستر بالاسلام وتتمسح بالاسلام زى الاخوان المسلمين  عملاء الاستعمار متسترين  بالاسلام ويتمسحون  بالا سلام قبضوا فلوس من حلف بغداد وقبضوا فلوس من السعودية وباعوا انفسهم لكل من يدفع الثمن.                      

النهارده الرجعية والاخوان بيتمسحوا با لاسلام وبيعتقدوا انهم وجدوا خط دفاع كبير جدا ولكن العالم العربى عالم واع والشعب المصرى الثائر  لن يمكن الرجعية من ان تخدعه مهما تمسحت بالدين  لان كل واحد يعرف ان الرجعية هى اللى  بتنهب فلوس الناس هى اللى بتستغل عمل الناس هى اللى  بتسعبد العمال هى التركة .. الشعوب محرومة من حقها فى الحياة وحقها فى الكرامة لم تكن الرجعية ابدا شريعة الله ولكن شريعة الله كانت دائما هى شرعة العدل وشريع العدل هى الاشتراكية التى تمن تحكم طبقة فى طبقة والتى تمنع ملوك المسلمين ان تنهب اموال المسلمين .

الاشتراكية هى الكفاية وهى العدل .. الرجعية هى الاستغلال وهى الاستبداد الاسلام لا يقبل الاستغلال  ولا يقبل الاستبداد شريعة الله هى شريعة العدل هى شريعة المساواة اما شريعة الرجعية  شريعة ضد الاسلام وضد الدين مهما تمسحت الرجعية بالدين فانها خارجة على دين الله  الاسلام كان فى اول ايامه سيدنا محمد عليه الصلاة والسلام  كان بيعمل ايه وملوك الرجعية اليوم بيعملوا  ايه نشوف ابو بكر وعمر ابن الخطاب  كانو بيملكوا  ايه . وملوك الرجعية اليوم بيتملكوا ايه بينهبوا اموال المسلمين باسم الدين انهم بهذا خرجو عن دين الله  اذا كان ملوك الرجعية يستطيعوا ان يثبتوا للعالم انهم  يتمشون مع الدين فعلى كل واحد منهم ان يتنازل عن املاكه للشعب المسلم بدلا من ان يضعوها فى القصور والمجوهرات وفى بنوك سويسرا واروبا. الرجعية وهى متمثلة فى الملوك والاخوان معركتها اليوم لن تنجو من ثورة الشعب ونحن نثق فى انفسنا ونثق من ثورتنا.(حمى الله مصر من الرجعية والاخوان الخائنين للوطن وللإسلام).

يناير 18, 2023