قالولي كلامك بالقافيه
ومن غير أوزان
مش عاجبه الباشوات كدا حافيه
ودا قول طرزان
قولت الميزانه ياناس غاليه
وأنا الغلبان
وخواطري طازه كدا ودافيه
ع الحال دا زمان
وعندي سؤال وبدون قافيه
داير حيران
مشاعري يعني مش كافيه
لو صدقي يبان
بحروف أحاسيسي فيها وافيه
وتكون عنوان
ولا إجابتكوا لاء النافيه
ولا بد ميزان
واظبط لكلامك وبالعافيه
في قالب صوان
وبحوركوا قيودها ماهيش خافيه
وحاكون غرقان
لأنول لرضاكم والمافيه
حسب الفرمان
0 comments:
إرسال تعليق