في النهايه الكل فاني
مهما كان لو حتى مين
مهما حتطول الأماني
في الحياه وتطول سنين
اللي عايش مستريح
عمره ما داق الأنين
فى هناه غرقان لشوشته
غنا له أجمل أغاني
ما انكواش بدموع لعين
واللي فيها كان يعاني
ماشي دايما جنب حيط
عاش حياه مُره وأنين
فى الآلام أول وتاني
والإيدين متكتفين
ماشافش فرحه لو ثواني
فى الهموم دايما حزين
واللي مختال معجباني
بالغرور عالي الجبين
على غيره بظلمه جاني
وظُلمه كان دُنياه ودين
كله عنها يوم حيرحل
لاجل إن الكون دا فاني
دي الحقيقه ودا اليقين
0 comments:
إرسال تعليق