شكد محتاجك.....
أهل الدمع مشتاك أشوفك
أريدك وياي.....
تجبر خاطري وتعاند ظروفك
أريد أكحل عيوني
بشوفتك وأرسم حروفك
أنشد نجم الليل عنك
كال راح وبعد ماأشوفك
ضاع البصر مني
مساهر الليل أنطر دروبك
احسك كل لحظه وياي
وي النبض أحس بوجودك
راح أكظي العمر أنتظرك
وأتغازل وي ذكرياتك وطيوفك
ولا أكول اه.....
بس من أشتاك أعله شوفك
أحجي وي صورك
وأنشد الطيور الطايره بلكت تشوفك
خل كلهه تصير شمات
صدكني لاأنساك ولا أكدر أعوفك
وخل كلي أصير جروح
جروحي تطيب بشوفك
..بقلم : خضر عباد الجوعاني){kind=link}
0 comments:
إرسال تعليق