مع إني مش فنان
ولا عارف في الألوان
حبيت أرسم
لوحة لبلدي
تكون لها أجمل عنوان
رسمت الشوارع كلها
أشجار
وجناين خضرة وأزهار
وشمس طالة أحلى من
الأنوار
مع إني مش فنان
ولا عارف في الألوان
حبيت أرسم
لوحة لبلدي
تكون لها أجمل عنوان
رسمت العامل في المصانع
بيشتغل بحب ومهارة
إنتاجه فيه جودة وشطارة
والفلاح عرقه طالع
أرضه طارحة زرع وفرحة
ومهندسين بيعمروا
وبيفكروا إزاي نحقق حلمنا
مع إني مش فنان
ولا
عارف في الألوان
حبيت أرسم لوحة لبلدي
تكون لها أجمل عنوان
رسمت السياسة بتضمنا
في حضنها
وتعلمنا نحبي ونقف
على رجلنا
وشاعر بيغزل شعرها
مع إني مش فنان
ولا عارف في الألوان
حبيت أرسم لوحة لبلدي
تكون لها أجمل عنوان
رسمت الكنائس والمساجد
والمتاحف
وعلم بلادنا بيبتسم
راسم لنا ألف سكة
بسمة وأمل
رسمت المعلم والطبيب
والهلال جنب الصليب
وجندي واقف على الحدود
سهران بيحمى أرض الجدود
رسمت النيل برقته
الطفل بضحكته
الحكيم بحكمته
الصياد بطلته
رسمت كل اللي حب مصر
وشافها ست كل عصر
0 comments:
إرسال تعليق