يعني إيه
تبطين
الترع
لازمتها إيه يا
جدع
إحنا بقينا
في غاية
الدلع
يا عم سيبك سيبك
ارمي الزبالة
إيه
يصيبك
ما يصيبك
إلا
نصيبك
فيرس و لا نقرص
و لا .. يجيلك
صرع ...
يعني إيه
تبطين
الترع ؟؟
البعض منا
أبدأ ما اتعود
على النظافة
و عمره
اتحدد
ليه تيجي
لهمه تزود
و تختلق
شوية بدع ....
يعني إيه
تبطين
الترع ...؟؟
إرمي يا ابني
الزبالة
و معاها شوية كمالة
خرق قديمة
عديمة القيمة
نقول يا ناس
دي جريمة
ما حد للكلام سمع ...
يعني إيه
تبطين الترع ؟
نرمي الزبالة
و لا ندري
علي المستشفى
بسرعة نجري
في المسا
و من الصبح بدري
نشكي من
فيرس
و ألم
بيقرص
و لا حد بردو يتمنع ....
و إشاعة
على إشاعة
و تحليل
بسرعة
يا جماعة
و بعدها
شيل يا بني الوداعة
المرحوم
من
الدنيا شبع ....
تعملك إيه
الحكومة
و انت أمام
بيتك كومة
من زبالة
و عامل عزومة
للناموس
مع روث الجاموس
و جارك
من هدومه
طلع ......
إتقوا الله
يا عالم
ربك بينا
عالم
الإيمان له
معالم
منها النظافة
و الحصافة و الورع ....
تبطين الترع
لتوفير المياه
و عدم أهدارها
في كل اتجاه
ترشيد الاستهلاك
من أوامر الله
كما نهانا عن
الإسراف
و الطمع ...
فقاموا بتبطين
الترع.....
★★★★★★★★★
)..بقلم: د/عمر عبد الجواد عبد العزيز){kind=link}
0 comments:
إرسال تعليق