يا قطار المونوريلي
ياريتك تنطق و تقوللي
ايه لازمتك
في صحرا
لا ميه فيها
و لا شجره
و رملها
من
الشمس تغلي ؟
يا قطار المونوريلي
كلفتنا.
كام يا بعيد
أسمنت و
رمل و حديد
كام فرصة عمل
بتزيد
انا الدم
في عروقي
منك بيغلي ...
يا قطار المونوريلي ...
مش كان أولي
منك مصانع
و نعمر الصحرا بمزارع
ننتج و نصدر
بضائع
ناكل و نشرب
و نحلي...
ليه نتمسك
بحكومة
الناس منها مصدومة
الواحد مش
قادر
يكمل يومه
و قايمة الاسعار
تعلي ....
حكومة
كل
همها الحجر
و سقط من
حساباتها البشر
و أسر كتير
تحت خط الفقر
و شباب عاطل
في هم و غم و
ذلي ....
يا قطار المونوريلي ...
هل زودت
الدخل القومي
هل استفاد منك
عامة قومي
و لا انت عايم
علي عومي
صابر و مش
ثائر علي غلي....
القطر رد. و
قالي
أنا زيك
مش فاهم يا خللي
لا حد بيصبح
عليا
و لا يمسي
و متعلق
في السما تمللي ....
★★★★★★★★★★
)...شعر: د عمر عبد الجواد عبد العزيز){kind=link}
0 comments:
إرسال تعليق