كلنا مخطئون..
لا استثنى أحدا
وعزائى..
أننا فى زمن البلهاء
...........
معذرة حضرة الأب المبجل
الأب ارسانيوس وديد
كاهن كنيسة العذراء
قتلتك يد آثمة..
صدرها لنا أصحاب
كتب الأرصفة
الذين استقطبوا شبابنا
منتصف السبعينيات فى القرن الماضى..
تحت وطأة العوز والحاجة ؛وغرسوا فيهم أفكارهم
المتشددة والدين برىء منها.
..........
ذات يوم سألنى أحدهم
وكنت اصلى العشاء جماعة
فى أحد المساجد.
سألنى وعلامات الدهشة
تعلو وجهه ..هو أنت بتصلى؟!
فرد عليه أحد المترددين على المسجد..الأستاذ
حافظ مبيسبش ولا فرض..طول ما هو موجود فى البلد ..
فابتسمت..ونظرت إليه قائلا:-
أنت حكمت على ازاى؟!
فكان رده عجيبا قائلا:-
مش أنت ناصرى بتاع جمال عبد
الناصر يبقى أنت شيوعى ..وبتقولوا إن الرسالة كانت لازم تنزل على سيدنا على.
حينها كانت إقامة صلاة
طلبت منه الكف عن هذا العبث
والترهات ..وينتظرنى بعد الصلاة
لأفهمه..وبالفعل انتهينا من
الصلاة
ووسط بعض من المصلين
قلتله .اسمع يا ابنى
معلوماتك دى مش مظبوطة
والشيوعى غير الشيعى
الشيوعى ينكر وجود الله..دينيا
أما الشيعى فهو مسلم زيى وزيك وزى
كل المسلمين..وهؤلاء آل بيت رسول الله صلى الله عليه وسلم.
ومن قالك إن عبد الناصر شيوعى
فكان رده ..كنت فى السعودية اكثر
من 10سنين..والناس دى عارفه ربنا وفيها بيت الله وقالولى كده وقرأت كتب هناك بتقول
كده.
فما كان منى الا أن فهمته ..همه
ليه بيكرهوا الزعيم
لأنه وقف مع شعب اليمن
ضد حكم الإمام الذى كانت
تدعمه السعودية ..
وقلتله الموضوع كبير
وليس هنا مجاله..
...........
آل سحقا لآل عبد الوهاب
........
ديننا سمح..ديننا..معاملة
من يشأ فليؤمن ومن يشأ فليكفر
لست عليهم بمصيطر
0 comments:
إرسال تعليق