شعبى شعب غريب
طيب وعزيز
والقوة فيه مدارية
فعز تعبه ووجعه
تلاقيه واقف ناصب طوله وعرضه
واللى يكسر غيره
يعدى عليه وهو بينفض أيده
حمال اسية
ويصبر ويتحمل كل الاذية
يعفو ويسامح
وقلبه يساع كل الدنيا ديه
لا احتلال ولا جوع ولا عطش
يفت فى عزيمته القوية
رجالته اسوده
شايلين همه
وحامين حدوده وارضه
شعب عظيم
بيحمى عرضه بدمه
بناته أميرات وملوك
علامات فى تاريخه
حتشبسوت فرعونيه
وكيلوباترا البطلامية
مبارك شعب مصر
فيك الحنية
يا ابو ساره وماريا
وشمسك الابية
اكرمتمونا اكرمكم الله
أعززتمونا اعزكم الله
ده مش كلامى
ده كلام بنت الحجرة النبوية
رضى الله عنها وارضاها
صلوات ربى وسلامه
على جدها الطاهرة الذكية
عاشت بيننهم مكرمه أبيه
عشت وعاش وطنك
يا شعبى ويا حته منى
فوق كل الدنيا ديه
.................
*زجل فى حب شعب مصر
0 comments:
إرسال تعليق