جبر خاطر أختك عبادة، والإحسان ليها من أعظم صور صلة الرحم.
أوعى تفتكر
إن أختك لما كبرت أو اتجوزت مبقتش محتاجة وجودك… لأن في وجع ممكن الأخت تخبيه عن الدنيا
كلها، لكن كلمة حلوة من أخوها قادرة تجبر خاطرها وتطمن قلبها.
مش لازم
تكون غني عشان تفرّح أختك، ولا لازم تستنى لما تقع في مشكلة عشان تسأل عنها.
مكالمة تطمن
عليها، كلمة ترفع معنوياتها، وقفة جنبها وقت ضيقتها، أو حتى إنك تحسسها إن ليها أخ
عمره ما هيتخلى عنها… كل دي حاجات ممكن تكون عندها أغلى من فلوس الدنيا.
ومتفتكرش
إن جوازها معناه إن دورك انتهى، لأن الزوج ليه مكانته، والأخ ليه مكانة تانية محدش
يقدر يعوضها.
🛑 الخلاصة:
متستناش
أختك تتكسر عشان تجري تجبر خاطرها… اجبر خاطرها وهي واقفة، وطمنها وهي قوية، واسأل
عنها وهي مش محتاجة حاجة؛ لأن الأخ الحقيقي مش اللي أخته تفتكره وقت المصيبة وبس، ده
اللي وجوده في حياتها يخليها حاسة إن ليها ضهر مهما الدنيا مالت بيها.
0 comments:
إرسال تعليق