" الله أكبر" .. كلمات / منصور عياد

 

 

     الله أكبر قالها الجنود

    قوّتها فوق كل الحدود

     فِ الجو نارْ، عَ البر نار

   و عبرنا في عز النهار

 

    سامعين يا سينا غنوتك

     شايفين ملامح فرحتك

      مهما يطول الانتظار

      لازم هيجي الانتصار

 

        دا حلمنا  دا حلمنا

          راجعين

     وسينا في حضننا

      أجمل هدية لأمنا

 

 

 قالوا لنا

 ما تفكروش في المستحيل

   قلنا العبور هو السبيل

والكل شاف

 إزي بترسم مجدنا

وازاي نرجع حقنا، مين زينا

 واحنا في عز النهار

أعداءنا شافوا الويل وليل

حطم غرورهم

يا دنيا المستحيل

احنا هنقول له لأ

عبورنا أكبر دليل

 راح يرجع بيه الحق

 

 

إرادتنا هيّا القوة

   بتزلزل الاحتلال

   والخوف يسكنه من جوه

   ودي فايدة النضال

 

  طفينا نار الشوق لسينا

  وأدى الكرامة

   شمس هلّة بين ايدينا

 

   القوة اللي في عبورنا

    بيها نعمر صحارينا

  احنا راسمين مشوارنا

  م الدلتا لحد سينا

 

   تعمير الصحَرا أحلى

  م الزحمة اللي في الوادي

  والخضرة فيها هلّة

   حاجة تفرح يا بلادي

 

 

 

     كل الصحاري في أرضنا

     محتاجة لعبورنا

     أعوام كتيرة ما شافتش

     غير طعم البوار

    آن الأوان نسمعها بتنادي

    إيدينا في إيديها

     كلها تطرح خَضار

     واللي بيكره زحمة الوادي

      يروح يعمر في الصحارى

      زمان عبوري كان عشان

       آخد بتاري

       أما عبوري السنه دي

        فعشان ولادي

   

        دا الخير هنا

          وهنا العمار

       و هنا بنيت لي

         أحلى دار

 

أكتوبر 10, 2026