كل سنه وأنت طيب ياريسنا
بس نفسي أسألك سؤال
واوعي حضرتك تقول
دي مجنونه ولا
إيه
فين البصل والتوم والفول
فين اللوبيا والفاصوليا
فين القمح والرز
إللي كان الغيط يزغرط لما يطرح
فين الزيت مش الزبده وطبق البطاطس
جنب المكرونه
ونقول وجبه والحمد لله
فين المحشي والبتنجان إللي ريحته توصل للجيران
فين العسل الأسمر والطحينه ونقول الحمد لله إتعشينا
مشتاقه ياريس لطبق فول بالليمون والزيت الحار
إللي أصبح أغلى
من زمان
وكمان قرص الطعميه والعجه بالبيض،،
أخ نسيت إستحاله
دا البيض متحرم علينا زي اللحمه والفراخ
والسمك والسكر
والشاي،،
الله يبارك فيه وزير التموين
بأسعاره الجميله وباقي الوزراء الكهرباء والغاز والمياه
وغيره
دا حتي الجبنه القديمه
بقت من الممنوعات بدل المخدرات
اللي بتتباع في عز النهار وعلى عينك يا تاجر
شكراً يا ريس إنك إديت ثقتك لناس شبعوا واتدفوا
وجوعوا الشعب وبردوه،، والشعب لا حول له ولا قوه
يوه اقصد الحكومه جاعت كتر الله خيرها عشان الشعب يشبع
ولا يشحت،، وإن شحت يعني مش هيلاقي غير كلمة
إحنا قادرين نأكل عيالنا،، عشان نأكل غيرنا
0 comments:
إرسال تعليق