اشتعلت مواقع التواصل الإجتماعى
والفضائيات الموجهة معظمها لإدارة حربا ضروسا ضد اللاعب الدولى محمد صلاح بسبب
قراره ترك المنتخب فى كأس الأمم الإفريقية فى مباراته المصيرية ضد الرأس الأخضر
بساحل العاج فى الأدوار التمهيدية..والسبب اصابته ليتم معالجته فى انجلترا ويعود
فى غضون 10أيام فى حال وصول المنتخب
المصرى للأدوار النهائية.
افزعنى ردود الأفعال من الكثيرين
واتهامه بالخيانة وعدم الإنتماء لوطنه.. وذهب البعض إلى أن صلاح يدعى أنه مصاب.
الجميع ذهب بخياله المريض إلى المنطقة
السوداء.
اترك اللغة العربية فى الكتابة واكتب
باللغة التى نفهمها جميعا.
زعلانين إن صلاح هرب زى ما
بتقولوا..طيب عاوزك تحكم ضميرك وعقلك لو بتفهم كرة ..ده منتخب وده مدرب ..يعنى انت
فى اضعف مجموعة.. تعادلت فى مباراتين.. والكارثة إنك أنت اللى تتعادل..ولما تتعادل
مع موزمبيق.. يبقى أنت منتخب..يا مؤمن دى كرة منتخب مصر..دى لاعيبة مصر ..اللى
بتموت نفسها مع انديتها.. أما مع المنتخب بالشوكة والسكينة.
ده اختيار لاعبى المنتخب ..يا رجل
فاكرين حسن شحاته اللى كان بيدرب فرق فى القسم الأول ب.. زى المقاولون العرب وقتها
واخد به كأس السوبر ..لما اتحاد الكرة اتزنق
..راحوا جابوه وكانوا رامين طوبة
المنتخب.. وبشوية لاعبين كانوا بيحبوا منتخبهم.. مش بيحبوا انديتهم ..وحصلوا على
كأس الأمم 3مرات ..مرتين بره مصر ومرة داخل البلد..ووقتها كنا عارفين يعنى ايه
انتماء مش شوبير ولا احمد موسى ولا سيف زاهر اللى كانوا هيعلمونا الانتماء ..لا..كان
لسه فيه بقايا انتماء جوانا.
أما دلوقتى فشوف اللجان الألكترونية
واستغلال الشباب البائس والساعى وراء أكل عيشه ومش شرط منين.. المهم يعرف
يعيش..وبكلامهم همه كل يوم الساعة 10الصبح فى احدى الفلل بالتجمع.. الإجتماع
اليومى لشن حرب اليوم على سين أو صاد اللى مش عاجب بعض الفاسدين والفاشلين الذين
يهيمنون على سدة الأمر بالرياضة المصرية.
وعاوز صلاح يقعد..يا رجل.. من كام سنة
الاطقم بتاعت المنتخب اتسرقت.. مش كده بس ده كأس الأمم نفسه اتسرق من مقر الإتحاد
..ومحدش اتقدم للتحقيق أو اتعاقب ومنعرفش جابوه ولا لأ.
طيب تعالى معايا كده وبالراحة خالص
وبدون تعصب ..رأيك فى الدورى المصرى ايه؟! قول ومتخفش ومتتعصبش..ااقولك
أنا..الدورى المصرى فيه فريق واحد هو الكبير والباقى اقزام..الدورى المصرى 15فريق
بينافسوا على الهبوط وفريق واحد حتى لو ملعبش فارق بينهم بعشرات النقاط..فريق واحد
فيه افضل منظومة ..وافضل اعلام..وافضل رعاية..وافضل لاعبين..وافضل اعلانات كمان..
والطبيعى مفيش منتخب لأن روح المنافسة مش موجودة فى الدورى المصرى.
متزعلش يا عم ..الحقيقة مرة ..بالرغم
من انك عارفها كويس..بس بتكابر..
قم ايه ..افضل حاجة عندنا علشان مش
اهلى ولا زمالك ..ومشهور عالميا وخير سفير لك..مع أول غلطة من وجهة نظرك..ومن وجهة
نظر أخرى ده احتراف ..نسن له السكاكين
ونعلق فشلنا وفشل المنظومة الرياضية كلها عليه ..علشان الناس تنسى فشل الفاسدين.
ههههههههههههه..شر البلية ما يضحك..يا
مولانا..ده الاعلانات بترسخ للتفاهات..يعنى اعلان منهم ..واحد بيقول لآخر ..سيب
التربيزة مكانها لأنها كانت فى مكانها ده فى 2010يوم ما كسبنا.. يا حبيبى احنا لسه
بنتفاءل بشخة العصفورة..اعزكم الله.
وجايين تلوموا صلاح..
يا عالم ارجمووووونا
والله القلب ينفطر ألما..عندما ينصحك
مسئول يلبس ساعة ب 700ألف جنيه ويجلس فى التكييف ويدرس كيف لمسكين يحصل على راتب
4000جنيه أن يعيش بهم?!
يا سادة فاقد الشىء لا يعطيه..منظومة
الكرة الفاشلة والفاسدة عنوان للمرحلة التى نعيشها.
حتى ولو كسب المنتخب كأس الأمم سيظل
الفساد هو أساس الخراب فى هذا البلد.
0 comments:
إرسال تعليق