كتب: عبد الرحمن مؤمن عبد الحليم
مجهود رائع ومشرف يقوم به فريق عمل
كامل من النساء والرجال من أجل تعلم وتعليم لغة الإشارة لأكبر قدر من الناس
بمحافظة دمياط وكان ولازال للمرأة الدمياطية دور بارز في ذلك النشاط المشرف الذي
يجعلنا جميعاً نوجه الضوء علي تلك الجهود
الإيجابية التطوعية المشرفة
ومن هذه النماذج الإيجابية من فتيات
محافظة دمياط العريقة التي ستتحدث عن مشوارها من أجل تعلم لغة 7مليون ونصف أصم في مصر
صفاء عطية أبو الوفا خريجة بكالوريوس
تربية خاصة تخصص أساسي إعاقه سمعية و مساعد إعاقة عقلية سنة 2019
حبيت القسم ده جدا حبيت أشتغل علي
نفسي كتير فيه علشان أقدر أتواصل مع الأطفال ذوي الاحتياجات الخاصة و كمان أتعلم
لغة الإشارة علشان أقدر أتواصل مع الصم و ضعاف السمع
و أول تجربة ليا ثاني إحرك أيدي ف
لغة الإشارة لما نزلت تربيه عملي ف سنة 3 كلية مدرسة الأمل اللي موجودة في دمياط الجديدة و حبيت جدا التواصل معاهم
و أخذ عدة ورشة فيها علشان أعرف الأساسيات الخاصة باللغة
و حبيت اتعلم أكتر و أكتر أتدرب على
أيد المدرب ابو الخير أحمد لمده 3 شهور
دبلومة لغه إشارة معتمدة من جامعة عين شمس الحمدلله قدرت أثبت نفسي و طلعت المركز
الاول علي الدفعة في الترجمة الفورية و الحمدلله ده بفضل الدكتور بعد ربنا و
مجهودي الشخصي و إصراره علي مساعدته لينا علشان نقدر نتواصل مع الصم. ضعاف السمع و
نعلم كل الي حوالينا اللغه دي
و طبعا مستمرة فيها إني أتعلم أكتر و
أكتر و الحمدلله دلوقتي أصبحت متقنة إني
أترجم ترجمة فورية
و ترجمت حاجات كتير نزلت بعض منهم
على صفحتي الشخصيه و السوشيال ميديا
و كمان أخدت دبلومة تخاطب معتمدة من
جامعة عين شمس و وزارة الخارجيه تحت إشراف المدرب ابو الخير احمد و مجموعة من
أساتذة متخصصين فى المجال
و حاليا بشتغل أخصائية تربيه خاصة و
تخاطب في مركز إرادة في دمياط الجديده
و
أخدت مجموعة من الإختبارات و المقاييس الخاصة بالتربية الخاصة تحت إشراف
مجموعة من المتخصصين
0 comments:
إرسال تعليق