عاوز ارد على النائبة الاستاذة صفاء الهاشم وكل من يؤيدها فى كلامها عن الوافدين
واتحداها ان تنفذ ما اقوله لها !!!!!!!
فهل حضرتك ممكن تقبلى التحدى دا والحقيقة انا مضايق من الرد دا ولكن لازم ارد عليهم لانى كتييير حاولت اهدى الاجواء المشتعلة بيننا كأخوة ولكن للاسف الامور تزداد تعقيدا ..
الاخت صفاء الهاشم وكل من يؤيدها فى كلامها ضد الوافدين
ابتدى التحدى
التحدى الاول....
لو سمحتى .. الآن نبتدى ببيتك انتى والل بيؤيدوكى...اطردى ربة البيت الل بتنضف البيت وبتغسل هدمتك انتى واسرتك وبتجهز لقمتك وبترعى اولادك ...خلى بالك التحدى دا لحضرتك وكل من يؤيدك
هتعملوا كدا ...... الاجابة ايه.... لن تستطيعى.... انا كسبت التحدى الاول
التحدى الثانى.....
لما تتعبى انتى او اى حد من اسرتك ورحتى المستشفى ...خلى بالك اول ما تنزلى من سيارتك هتلاقى كرسى عارفاه طبعا علشان تقعدى عليه ويدخلوكى للطبيب ..الكرسى دا فيه عامل هو الل بييجى لحضرتك .. علشان ياخدك ..استسمحك لو لقيتى العامل دا وافد يعنى مش من جنسيتك اتمنى ترفضى وتصممى ان العامل الل يجيب الكرسى لحضرتك لازم يكون من جنسيتك !!!!!!!!!!!!!!!! تقدرى حضرتك تعملى كدا...... لن تستطيعى ... كسبت التحدى الثانى
التحدى الثالث.
لسه فى المستشفى ... لانك صممتى انك تدخلى على قدمك لانك مش عاوزة اى وافد... والغريبة دورتى على عامل من جنسيتك ...طبعا مفيش !!!!!!! المهم ..لو لقيتى الممرض او الممرضة الل هتقيسلك الضغط مش من نفس جنسيتك . ارفضى واطلبى ان الممرضة متكنش وافدة ولازم تصممى ان الل يقيس الضغط ليكى او الحرارة يكون من نفس جنسيتك...ولازم ترفضى وتستحملى على ما يدوروا على حد لانك مش عاجبك الممرضة الوافدة .. وبالمرة كمان والطبيب لو لقيتيه وافد انتظرى لحد ما المستشفى تجيبلك طبيب كويتى يكشف عليكى ....المهم تستحملى الوجع والالم ...ولما تصرفى الدوا من الصيدلية ... لازم يكون الصيدلى كويتى ..تقدرى تعملى كل دا طبعا لا .......انا كسبت التحدى
التحدى الرابع ... دا بقا تحدى سهل جدااااااااااا
وانتى راكبة عربيتك والبنزين خلص .... لو لقيتى الل فى المحطة وافد لازم تصممى وتعملى مشكلة كبيرة جداااا ان عامل المحطة لازم ميكنش وافد ... وطبعا لازم تنتظرى لغاية ما يتصرفوا ... وفى الاخر طبعا البنزين فى عربيتك خلص ...وطبعا مش هيلاقوا حد .
فى الحالة دى .
سيبى العربية وانزلى خدى تاكسى.... خلى بالك ولازم ميكنش وافد ... واقفى فى شهر اغسطس انتظرى تاكسى ..واتصلى وقولى السواقين وافدين ودا ما ينفعش .. وطبعا هتضطرى ترجعى بيتك مشى ...لازم ترجعى مشى... تقدرى ... طبعا ...لا ....
انا كسبت التحدى الرابع ....
التحدى الخامس .... طبعا الصبح عاوزة تخرجى وعربياتكم كلها مفهاش بنزين فتضطرى تقضى كل مشاويرك مشى
..
وساعتها ... حياتك هتقف تماما .... لان حضرتك
طردتى ربة البيت لأنها وافدة
والسواق لانه وافد
وخلى بالك رجعتى من المستشفى بلا كشف او علاج لان المستشفى كلها فى الوقت دا كلهم وافدين ... وكمان رجعتى بيتك مشى فى الحر الصعب دا..
ولما جيتى تشترى اكل وماء من الجمعية لقتيهم وافدين فصممتى انك ترجعى من غير شراء والمدارس والجامعات وغيرها
هل قبلتى التحدى .....لا. .. لأن لو دا حصل يبقى ممتاز لانك هتعتمدى على نفسك فى كل حاجة...ودا رائع ...ومعناه . .. ان مفيش وافد بيشتغل فى الكويت واهل الكويت كلهم اعتمدوا على نفسهم فى جميع التخصصات ... ومش الكويت بس ..لا كل دول العالم ..لو عملت كدا يبقا كل بلد بحالها... تخيلى بقا لو كل الوافدين ف الكويت عادوا الى بلادهم....عارفة معناها ايه...
مدينة حولى مثلا هتبقى مدينة اشباح... صح ولا ايه .
والسالمية نفس القصة وغيرها ..
مفيش طيران خالص عند حضرتك ...خالص الا لحضراتكم لو حبيتى تغيرى جو
مفيش بيع وشراء ....مفيش حركة ولا حياة
. لى رجاء اخير . .التعليقات على البوست لازم تكون متزنة بلا اى تجريح لاى حد ... استسمحكم بالله عليكم ..لا تكتب كلمة سوء تحاسب عليها امام الله يوم القيامة.
........الخلاصة .
الارزاق متوزعة بين العباد والبلاد بالعدل . ولازم نحتاج بعض علشان نكمل بعض والا متبقاش دنيا
اتقوا الله فى ارزاقكم ولا تتكبروا بها على خلق فيسلبها رب الكون منكم
0 comments:
إرسال تعليق