ياما كان للوجع علامات
ودوايا كان ف حضن عينيكي
وَقلبي جوا منه حاجات
وعشقي يدوب بالكاد يكفيكي
يااول بنت حبتها
وحياتي كانت واقفه
ارض فاضيه وبور
بتطرح جناين شوك َ
ف وسط طريق
طويل مهجور
غلبتيني وغلبني الشوق لايامك
وحشتيني َوكتير بحن لغرامك
بقالي سنين
بداري حنين
وبتمني تحني ف يوم
بقول راجعين
َبقلب حزين
ومش قادر اكمل لوم
تملي بقوم
علي صوتك وصوت احلام
ف كام شهر عشناها
بنينا امال وبيت وعيال
وفجأة قدرنا خباها
عشان الدنيا مش حباها
يكونلي بيت ونس وصديق
وحضن الجأله وقت الضيق
يا اول فرحه بنهايه وداع
ياكلمه حب من الاوجاع
سامحيني
انا والله بكتبلك
وجرحي جوا منه الشوق
ومش قادر اقوم َولا افوق
ولا حتي ادوس واكمل
بقيت عايش ووشي كئيب
وضحكه قلبي مش بتصيب
ولا روحي بقت تتحمل
اعيش ثانيه بدون طيفك
واكمل سكتي بدونك
ياست الحسن مين زيك
ومين رقته في عيونك
اكيد والله بتغزل
ف حاجه مبقتش ف إيديا
كعادتي ف كل اشعاري
وكل حكاية حواليا
سامحيني
لو قلبي كان بيشتاق
لذكري َويا قلبك عاشها
لضحكة من جناين وردك
لفرحه يوم ما قابلك شافها
سامحيني
لو كنت بتجني علي حدود غيري
او كنت طمعان ف خير مش خيري
سامحيني
وزي ما قال فؤاد ف غناويه
ساعات بشتاق
ف انا والله بشتاق
وبكتبلك وحشتيني
0 comments:
إرسال تعليق