اللي حصل ف سنين
ما يبقاش إنجازات
لو حنكون منصفين
نقول دي إعجازات
الكل عليها شاهدين
حاجات ومحتاجات
صحرا بقت بساتين
بفاكهه وخضراوات
ملايين من الفدادين
فيها الكتير خيرات
ومدن كمان شايفين
دي بديل عشوائيات
فيها جمال الميادين
وإبداع في الطرقات
وبيها إحنا مبهورين
رغم وجود الأزمات
وكتير ناس ولا لاقيين
أو يمكن على الفتات
يمشوا الحال عايشين
وغيره من صعوبات
في حياتنا بها حاسين
لكن في نفوسنا يقين
في إن الصعب فات
وسنين بالخير جايين
وفي أسوء الحالات
ياريت نكون فاكرين
بعد خريف الثورات
كنا رايحين على فين
لكن خالق السموات
سبحانه رب العالمين
لمصر بانت كرامات
وحفظها وليها معين
وحماها من العثرات
وبندعي يارب آمين
تفضل عاليه الرايات
في السما وليوم الدين
0 comments:
إرسال تعليق