أهرام أخبار
جمهورية
أخبارك حزينة
يابهية
ع فين راحة
ومنين جاية
ياست
الدنيا يا صبية
الحزن شيب الوليد
والمجد أصبح للبليد
والوليد
راكب حصانه
بيحلم بفجر
جاي جديد؟
والفجر غاب وسكت الأذان
والديك سكت من زمان
والناس ديابة مالهاش أمان
كل يوم جريمة ف ميدان
كل يوم برئ مدان
حتى الغلابة تاهت عقولها
و الوشوش مابقتش
هي
والجريمة بقت غيه
للكروش وأصحاب الحصانة
والغلابة ليه مدانه
والحياة ليه مش مستدامه
طفل مات غريق شهيد
وبنت أغتصبوها ف الحضانة
أهرام أخبار
جمهورية
راحه علي فين يابهية؟
جهزوا حبال المشانق
ف المغارب والمشاريق
الجريمة الكاملة
عدل
والسكوت ف زمنا غدر
شمس النهار جاية و مروحة
إستعدوا للحساب
بدون مرافعة أو
دفاع
بدون غش أو قناع
الكل هناك بإسمه مش مشاع
لا هناك جاه ولا متاع
أهرام أخبار
جمهورية
مجرد صحف بحوادث مصريه
0 comments:
إرسال تعليق