ياللي بتزرع مُر
إيه اللي عاجبك فيه
لا طعمه مَره يسُر
ولا غير مَرار تلاقيه
ما يفيد لكنه يضُر
من فين علاجه وإيه
دايما لحزن يجُر
مِن عاشه يحكي عليه
ياللي بتزرع مُر
وقت الحصاد تجنيه
وتدوقه طعم المُر
تعرف كمان إيه بيه
علقم مراره يخُر
ولا صبر يوم يداويه
يمكن له يوم تهجُر
ولا تاني تزرع ليه
أو حتى بيه تُغدُر
وما غير عسل تسقيه
ولا توصِفه وتؤمُر
لعزيز بشهد إوصيه
0 comments:
إرسال تعليق