ياحلوة يا أم الدلع
والكف متحنى
رايحة أكيد للحج
وليه جالسه بتغنى
عاملة شادر كبير
ومنشيد وفرقته بتعزف
قال ايه بينشد للحجيج
هو الحج له منشد؟
كلفت جوزك كتير
ماكفايه عليه سفرك
حلو لك التبذير
إحنا احترنا فى امرك
كفايه بهرجة وإسراف
مش حلو عشان حجك
عرفتى الغايب وإللى شاف
إن قرب يوم سفرك
ياحلوة يا أم الدلع
فى بيتك احمدى ربك
لبى ندائك ودعوتك
وحقك لك طلبك
والعبادة مش مظاهر
دى نعمه من ربك
اسمعى وبلاش تكابر
واحمدى من سترك
بقلمى أسامه على - السعودية
**( من سلسلة الشخصية الخيالية/ الحلوة أم الدلع - لنقد المجتمع )
الشاعر أسامه على وقصيدة :أم الدلع والحج
0 comments:
إرسال تعليق