حاسس يعنى ايه !
يبقي نفسك تبقي نفسك إنسان سليم ...
خالى من أوجاع واسقام ومرض لعين....
نفسك تبقي حاجه !
روحها كده روح عصافير بتعرف تطير ...
وأجل رغم انه مكتوب فى التنزيل قصير !
بس تحس أنك ممكن تعيشه كثير ...
حتى اكلك محسوب عليك بمعايير ...
حاسس .. !
يعنى أيه كيماوى ونووى وذرى وآنين ...
وروح بتتسحب مع كل جرعة علاج فى نهار لونه أسود حزين ...
حاسس .. !
لما تشوف مرايه فيها شعرك ...
زى سراب صحاري...
فى صيف عطشه يقين ...
نعمة الصحة والعافية
نعمة من رب كريم .....
شعورها قاله رسولنا
الرحيم من سنين .....
•****•
مرض لعين
وشعوره إحساسك
إنك ضحية شوية ملاعين ...
مجرم ارتكب جريمة والسبب
ضمير غايب وشوية مبيدات ثمنهم ملاييين ....
هتفضل المرايه
سراب شعور الآنين
ولحظة خلاص
تتمناها تخلصك
من وجع شوية شياطين ....
شياطين لابسين
قناع بنى ادميين ..
وضمير غائب من سنين ....
0 comments:
إرسال تعليق