أكيد فيه أزمه ماليه
ومشاكل جمله وفرديه
أسبابها كتيره وجليه
منها الأسباب العالميه
وكمان أسبابنا الداخليه
و أكيد معروفه وعلنيه
بفساد والرشوه وحراميه
وضماير ماتت منسيه
وحكومه غايبه ومخفيه
نايمه بأحلامها الورديه
في عسل بعسل متغطيه
ما بانت من يوم الصباحيه
البعض عقولهم حجريه
وبنفس الخطط الأثريه
شاطرين جدا في المرازيه
ومشاكل يامه ويوميه
بتدوس ع الفقرا معديه
ويكونوا هما الُأضحيه
وتطبطب قوي وبحنيه
ع الساده كُبار الحانوتيه
تعبنا ياناس م المناحيه
وحلول وقتيه ووهميه
عاوزين لعقول فاهمه قويه
خبرا وعلما وصنايعيه
بضماير صاحيه ووطنيه
وحلول وبجد وجذريه
لمشاكل صعبه وإرثيه
لعهود وسنين مستعصيه
وكلامي لكل الترزيه
والمطربين والآلاتيه
وكمان كتاب الأغنيه
الرحمه مطلوبه شويه
والدنيا دي فانيه ومنهيه
نصيحه بس ما غير هيه
ومدد يا اسيادنا الأوليه
0 comments:
إرسال تعليق