بالضبط من كام سنة حصل نفس الموضوع في الزمن الماضي كان الكلب بتاع الست،أم كلثوم يومها نهش جسد الواد النحيل وقطع البيجامة الكستور بتاع المحلة .والحكاية من اولها لأخرها لخصها الفاجومي أحمد فؤاد نجم في قصيدته الشهيرة كلب الست ولأن الحال واحد والأحدث متشابهة مش عيب أبدا نسترجع الماضي الأليم من خلال قراءة القصيدة التي كانت سببا في حبس عمنا الفاجومي .
كل الحكاية أنه تجرأ وشتم كلب الست . الكلب زعل والست زعلت وأكيد الست المذيعة زعلانه هي أيضا لأن كلبها مؤدب وابن أصول وبالتالي لاداعي للسخرية والتنمر من هذا الكلب العتيق واليكم القصيدة ..
قد ايه فى القسم نايم؟
استضافه الحجز جمعه
يا بلاش
ادي العزايم
شاف بلاوي
ما تتحكيش
م الديابه المسجونين
قال يا عالم
يا شاويش
يا نيابه
يامسئولين
خلصوه بعد المناهده
جثه من جحر الديابه
هى يمكن ساعه واحده
كان فى مكتب النيابه
قال له مالك يااسماعين
قال لة زي البمب… مالي؟
قال له عضك فوكس فين
قال له سيبنى اروح لحالي
انت شوف سي فوكس يمكن
خد تسمم
غصب عني
الوكيل قال برضة ممكن
والشاويش
قعد يغنى
انت فين والكلب فين
انت قدة يا اسماعين
طب دا كلب الست يا ابني
وانت تطلع ابن مين
بشري لصحاب الديول
واللى له اربع رجول
بشرى لسيادنا البهايم
من جمايس او عجول
اللى صاحبه يا جماعه
له غناوي
فى الاذاعه
راح يدوس فوق الغلابه
والنيابه.. بالبتاعه.
انتهت حكاية كلاب الستات والغريب أنها أصبحت عدوي عيال صغيرة تتقابل معها وهي تجر كلابا غريبة . سألت مرة أحدهم
نوعه أيه قالي يامولانا أنت رجل طيب ده ثمنه عشرة ألاف جنيه قلت ماشاء الله .
والله المبلغ ده يغير حال ناس كتير قوي
علي الأقل ممكن يعطيهم الفرصة ياكلوا فول وطعمية ومفيش مانع شوية بطاطس وملوخية . عدوي كلب الست في تزايد والمعضوضون من كلاب الست في تزايد
ولن يكون المعضوض من كلب المذيعة أخرهم فالضحايا أكيد في تزايد ..
وكل عام وكل الستات وضحاياهم بألف خير .
**
كاتب وباحث
0 comments:
إرسال تعليق