اللف في الملف ..الحكايه جايه هف ..والمخ كان شغال حلاوه ..بس مع اللف خف..هى الركنه مش بعيد وغيرنا جاى عكس عكس ..موتورها خسع ..شويه خس .. كله على بعضه لف ...والمروحه قاطعه ملف ...والل كنت فاكره واحد ..طلع منه ميت ألف واللف في الملف هو اللف جاى عادى ..بس ماتحسوش امان ....دركسونها يمين وماشي . بس مكتوبله الشمال ...الكلاكس فيها معلق .و.ياريته كان شغال ...ملهاش علام .. ... اتعلمها حبه حبه .... والعجل زى العيال ...حبه معووج ولسه ماشي..... والل عدى خاب و مال واللف في الملف اصل اللف فيها عل الفاضي .و.اللف أصول.. واللى صحصح فيها وعدى فولها لحد الزور ملهاش عباره ولا حتى اماره .. بس أصولها من حاره لحاره ....تدى يادوب حتى اشاره ... ..واللف في الملف ان لف عجلها ..اكيد حتلف .. ..شريط بيسف . و.ابو وزن تقيل عمره مايخف.. لافف بشياكة ،و..مش بيخاف..بيلف يلف.. ولا عمره اتشاف .. . يدوقها تورته ..يدوقها جاتوه...يطفي الشمع ويقول عيش حاف واللف في الملف اللف جاى عل السريع .....والل ساقها واخدها جنب واللى بيأجر يبيع ..........والل اداس ملوهش ذنب.. .طب ليه الركنه من اولها ...والعربيه جايبه آخرها... سيبها تمشى زى ماتمشي.. .حتى التانك ماعدش شايلها واللف في الملف جاى جاى عل الدماغ ...والل شافها لحمه نية...مش حيشترى الفراخ... عايشها فرامل ...ماليها بنزين ..و.الخبطه فيها ملهاش تأمين ..مفيهاش معروف والل يلف يلف ألوف .....البجاحه مفيهاش كسوف ...تعيشها حرير اوحتى في صوف .... تطلع ف الاخر انت الملفوف واللف ف الملف
0 comments:
إرسال تعليق