مش عايز اسمع منك اى كلام
انسيني وانسى اللى كان
من يومي فارس عالى مقام
وصبري عليكى كان اختبار
بس انتى فاشله واخرك شوية ملام
عتاب وخصام وتقصير ف سؤال
غيرة وشك وسياسة احتكار
وانا طير فى السماء عالي
سارح وقلمي عنواني
ارسم بطل ودوبلير
وفى الحالتين صاحب قراري
/////
هُس بس خلاص
*****
كلمتى ليكي اسمعيها
وبينك وبين نفسك كرريها
مش عايز تجديد الجراح
ولا تقليب ف ماضي ونواح
انا كنت باقيديلك شموعى
واسهرلك من دون الناس ليلي
حتى دموعي شافها بسببك غيرى
وانتي عايشه سداح ف مداح
واحد جاى والثاني قبله راح
/////
هُس بس خلاص
******
خلصت بينا الحكايه
وستارة المسرح
وع الافيش اتكتبت نهاية
مش عايز منك اغاني
ولا مسلسلات هندى وتركي وايراني
انتي بقيتي مجرد ماضي انانى
وانا انسان عشقي أصله خيالي
كنت ِ عامله فيها عشقاني
أهنيكِ على دور البطولة
بس البطل مات
والسبب كاتب خيالي
انتى مجرد حلم رسمته فى خيالي
وكفاية عليكِ شوفيلك حد ثانى
0 comments:
إرسال تعليق