وعشت أنا فيكي..
نص حياة
وانا مفارق أعز الناس
أبويا.. صاحبي والعزوة
غريب عمره.. ف بلاد الناس
ومتأجل..فرحي وضحكي
بستعجل..ليالي الغربة
لاجل تفوت
وييجي أوان لقاه تاني
وعمري يفوت
وبحفظ كل جواباته
كما العشاق
وقلبي عادته متحمل
حياته.. فراق
وحشني سؤالك عن احوالنا
عاملين اية؟
بخير ياحبيبي وكله تمام
وبنستنى نهاية العام
عايشين .. بنعد الأيام
لاجل ترد الروح بلقاك
كل رفيقة بتسأل.. مالك؟
مش أول ولا آخر واحدة
عايشة مفارقة
لكن عادي
غربة لأحلى سنين في حياتنا
طاغية وسارقة
بيقولوا الغربة دي بتقسي
أو بتنسي الإبن .. أبوه
وأنا باللهفة ياغالي ف بعدك
أحسب.. من كام شهر مسافر
كنت الغايب .. فيا الحاضر
أول حاجة عملتها ياابا
سجدة شكر
بعد الغربة ماطالت.. عدنا
.. وعدى العمر
لو مين قرب
ساكنه جناين شوك وقسية
مش بستغرب
أصل مرار الفرقه وناره
عمره ماجرب
عشت العمر متغرب
ولما الدنيا جمعتنا
دة كان دوري
.. عشان أجرب
*اللهم ارحم أبي وارزقه الفردوس الأعلى بلا حساب ولاسابقة عذاب
0 comments:
إرسال تعليق