الخواجه مالك أرضنا ولسه
الفلاح أجير
الغيلان مصت دمنا ولسه
الفلاح فقير
والأرض بور والمطر شاحح
والجوع حقير
و الفاس ع الارض تنزل
والعرق والدم فيها طين
و غراب البين ع الجسر واقف
مش بيطير
لسه الخوف جوانا
كلب وافي
ولسه الدفي م الشمس عفي
والمطر ناخر
الجبين
والغلابة ف
الارض مطحونين
ف أرض القصب ناصبوا الصوان
ومحاكمة عيدانه وسط حراسة الغفير
والفلاح مستني دوره
قدره ف الحياه أجير
لملمي كلابك ال خانوا
ال كانوا وسطنا بألف ضمير
أنكسر سجن ال اتظلموا
والحساب جاي
ياوزير
بصلة
الغلبان خروف
لملمي كل الجروح
جمعي كل الحروف
إغزلي توب البطل
من ورق الشجر قبل الخريف
عقدة الخواجه ف دمنا
وال مننا يحموا الغريب
والقريب ثار زينا
وأستني الفجر يطلع
أستني الحق يرجع
ولسه الارض ملك الديابة
والفلاح غلبان أسير
0 comments:
إرسال تعليق