الخميس، 14 سبتمبر 2023

كدا العصفور ..بقلم: محمد عنانى

هوا كدا العصفور

عايش في ملكوته

لامَره كان مغرور

أو حتى باع صوته

أو مره كان محظور

عن الصياح صوته

ولا سكن في جحور

هربان ورا سكوته

ولا همه ظُلم وجور

لو زاد في جبروته

حُر طليق في النور

دا الحبس فيه مُوته

وفي الفضا بيدور

شقيان عشان قوته

لا حد له ولا سور

ولا رزقه حيفوته

هوا كدا العصفور

عايش في ملكوته

مشاركه

Item Reviewed: كدا العصفور ..بقلم: محمد عنانى Rating: 5 Reviewed By: موقع الزمان المصرى

اخر الاخبار