الست خضره
نزلت الميدان
فى ثورة الأكفان
طلعت تريند
بالباميه شوكتنى
**********
يا ست خضره
الليل على الحيطان طويل
بتجارى ولادها جيل ورا جيل
هرب من عيونها النوم
والجفن منها تقيل
والباميه شوكتنى
الست خضره
ليه لقمة العيش وارثه الهم
وتبيعى نفسك بثمن بخس
ويهرب من عروقك الدم
انت جميله بمنديل بؤيه
وابعدى عنك الحيره
والباميه شوكتنى
**********
يا ست خضره
فين الولاد يلعبوا فى حوش البيت
خلي العيال يقولوا ستى جيت
خلى شعاع الشمس
يدفى قرن الباميه
ويبعد شوك الفيسبوكيه
وتبقى عيشه هنيه
وسيبك م الفضائيه
فالميّتين ما يعكَّروش الميه
0 comments:
إرسال تعليق