يتحدثون عن التابلت بالمدارس وهناك مدرسة بكهرباء القاهرة "عشة فراخ "!!

كتب :عبدالرحمن مؤمن
تقدم ياسر عبدالسلام عبدالفتاح الموظف بشركة القاهرة لإنتاج الكهرباء وولي أمر طالب بمدرسة محطة كهرباء جنوب القاهرة بشكوى عبر صفحة هموم المواطن موجهة إلى السيد وزير التربية والتعليم ووزير الصحة من الوضع المتدهور الذي تعاني منه مدرسة محطة كهرباء جنوب القاهرة و موقعها بمساكن محطة كهرباء جنوب القاهرة على كورنيش النيل بعد مساكن المنتصر بحدائق حلوان جاء في ملخصها على لسانه :تخضع لادارة المعصرة التعليمية . مدير المدرسة رجل متفاهم جدا وهو جديد بهذا المكان وعند مخاطبته عرفنى انه مقدم مذكرات بهذا الشأن وان دى اربع فصول عملوها عشوائيه علشان تكدس الطلبة واخذوا عدد زيادة قولتله ماكنوش قبلوهم احسن .
وأضاف الرجل فى شكواه ..انا ابنى فى الصف الثانى الابتدائى والعام القادم هيتنقل من هذه العشه ولكن المشكلة مش علشان ابنى ده علشان اولادنا جميعا وعلشان المدرسين المغلوبين على امرهم وقاعدين بهذا المكان السيئ للاسف وبرغم ان عضوا مجلس الشعب النائب عن الدائرة الاستاذ حمدى عبد الوهاب ساكن قريب جدا من المنطقه التى تقع فيها المدرسة وايضا النائب رضا البلتاجى ودينا عبد العزيز المرشحين بنفس الدايرة كله يانوم يانوم ، وتساءل : يا سيادة وزير التعليم ازاي يدخل التابليت فى هذه العشش ووزير الصحه اللى عايز يعالج اولادنا من الامراض وهما قاعدين فى خطر ووباء.

أبريل 25, 2019