ثم اما بعد.. بقلم : حسين الحانوتى

مجتمعنا ده زمان كان مجتمع الاصوليات مش شبيه يعني باصوليات القبائل قبل الاسلام وهذا ما وجدنا عليه ابائنا وكده… لالا قصدي اصوليات المجدعه والاحترام والادب لان هي مس مقارنه بينا وبين القبائل فيما قبل الاسلا لان حتي القبائل دي كان ليهااصولياتها اللي وافقها الاسلام وابقت عليها.. لدي مقارته بين اصوليات مجتمعنا زمان و دلوقتي..زمان كنا بنقول علي المتعلم افندي.. فلان افندي راح وفلان افندي جه والافنديين كانوا قليلين وظاهرين في المجتمع وحافظين اصوله وبيحترموها ويقدروها. يعني كانوا عائلات باكملها ممكن متلاقيش فيها غير افندي واحد والواحد ده ممكن يتوظف في الميري والميري هنا مش الجيش بمفهومه لا الميري هي الوظيفه اللي كان ممكن بسببها يسيب اهله ويروح يعيش في البندر وكل فتره وفتره ينزل البلد لكن رغم كده راح باخلاقيات بلده ورجع بيها البندر مغيروش ولا اثر فيه.. الادب ادب والاخلاق اخلاق وعلاقته بربنا زي ماراح بل ممكن تزيد لان اصول تربية الريف زمان كانت مقتصرة علي الكبير والصغير والحلال والحرام ..دول اساسيات التعامل اليومي بين الناس.. وقليل جدا لو لقيت واحد شرد عن المجموعه ودا بيبقي شاذ ومنبوذ وسط القريه اللي كان فيها التدخين للصغير عيبه وعيب جدا الاكبر منه يشوفه بيدخن تبقي مصيبه وعيبه وقلة تربيه مش زمن البانجو والحشيش والاستروكس لالا دا كمان كان بيهرب من الشارع لو قابل معلمه او حد من عيلته كبير.لالا مصيبه لو صوته بس كان يعلي ادام ابوه او عمه او اي حد كبير ..لا وايه كان فيها الكبير سواء جد او اخ كبير في العيله هو الاب والكل يقوله يابا مفيش عم هو ابونا كلنا ابو ولاده وولاد اخواته هي دي اصول الترابط. وكان صعب جدا تلاقي انحلال اخلاقي وشباب مقوزع ولابس مقطع ..كانت بقت فضيحه في البلد والناحيه.. مجتمع متماسك بيخاف علي بعضه وكله بيخاف علي شرف كله لان فيه ناس كان كل مالها شرفها واكلها وشربها ومصاريفها يوم بيوم علي باب الكريم.. وكان كله تعليمه في الكتاب بتاع الشيخ فلان وكان اجره معروف كل سنه من محصول اي زرعه ..والكتاب دي اتخرج منها علماء ياعالم اراضيهم فين لكن منسيوش الاصل بتاع تربيتهم رغم شهرتهم في العالم… هما جيل زمان اللي بينكسف من افعال جيل الزمن ده الدكتور هو الدكتور والمهندس هو المهندس لكن اختلفت اولويات كل منهم لان اصول الترببه اتغيرت بتغير الزمن.. زمن الراديو والتلفزيون ابو اريال وقناتين وتغير لزمن الفضائيات والنت اللي بسببه حصل مصايب وفقدت الاخلاق والقيم وياما النت مداري مصايب بين الناس لا يعلمها الا الله
الزمن ده زاد فيه الأباحه بالبلدي كده يعني لا احترام ولا ادب ولا ذوق وفقد الحياء والاخلاق ايوه ماهو زمن الموضه لاننا بقينا دقه قديمه.. الزمن ده حتي الطلاق فيه اللي كان زمان عيب وقليل جدا بقي المطلقين والمطلقات اكتر من المتزوجين ولاسباب غريبه منها وبسهوله ان مفيش تفاهم.. بسهوله كده الحياه تقف من غير ماننظر علي ما يترتب جراء الحدث
جيل مختلف جذريا اصولنا زمان بئت فيه دقه قديمه ..امشي في الشارع واحكم بنفسك وشوف الملزق والمحزق والمقطع والمقوزع وشوف الشباب بيعملو ايه في الشوارع ..شوف واحكم لو انت دقه من زمن الميني جيب ورغم كده كان زمن له ملامح وله طعم ديني واخلاقي وكمان عائلي قبلي يعني اصول العائلات والقبائل…
الزمن ده تبقي مريض وفقران كحيتي والدكتور اللي بتحلم تكشف عنده ابن جارك او قريبك ان مكنش ابنك ومفيش فرصه ولا واسطه تكشف عنده ولما يسعدك الحظ وتدخله ولا كأنه يعرفك ولا شافك ولا يوم وانت شايله عملها عليك وبنفسك مسحتله هو عنده المهم هيستفاد ازاي منك كمريض مكحكح مش زي منت فاكر وانت داخله بالاحضان وبوس وطبطبه هيفتكر يوم منت فرحت معاهم بنجاحه ويزعل عشانك ويقعد بئه يفكرك ويذكرك..
دي اخلاقيات الزمن ده….
اخلاقيات منكره ما انزل الله بها من سلطان ولو فرضنا جدالا ان القرأن نزل في زمنا ده مش هيبقي علي اي حاجه من الغرابات دي زي ما ابقي علي عادات من زمن الجاهليه كان فيه نخوه وشهامه وخوف من التعدي علي الاصول المجتمعيه المعروفه بين القبائل حتي مجرد النظره الخطأ والغير مقصوده ..جيل الزمن ده جيل تايه عن طريقه مشوش يتخبطه الشيطان بمس المدنيه الحديثه والموضه وفي الاخر ربنا مخلقش حد عشان يعذبه احنا اللي بنكون سبب عذابنا… وسبحان الله الامثله في المقارنه كتتتتتييييرر لكن..
ثم اما بعد

أبريل 28, 2019