ضميتك يا أخويا
بين جفونى
وزرعتك فى نن عينى
وشيلتك
يا إبن
أمى على رأسى
وقولت للدنيا دا
أهلى وناسى
لاقيتك ياأخويا
ناسى مش فاكر
إنى انا أُختك
وإنت أخويا
الأخ مش بس
من الأم والأب
لا إبن الخالة وإبن
العم،،وأخوك
فى الله زرعه
الرحمٰن
فى طريقك
فينك يا أخويا يا اللى
بتجرى فى دمى
دا لما خبطت على
باب قلبك
لاقيتك قافله
وكله أسى وجفا
دا انا اللي طلبت
الأخوة ودفا العيله
لأجل ما تِطبطب عليا
وتضمنى لصدرك
وتمسح دمعة عينى
وأشيلك على رأسى
الأخ هو الدرع
لأخته والدفا
هو الموده والحنان
الرعاية والوصال
مش الجفا والهجران
والخصام
الأخ هو العزوة
والسند وبر الأمان
لأخته
لو خانتها الدنيا
هو ليها بر النجاه
صدره هو الحماية
من الذئاب
والدرع الواقى
من غدر الدنيا والناس
0 comments:
إرسال تعليق