الخميس، 21 يوليو 2022

ديوان العرب

رباعيات ..بقلم : أحمد عرابى

الشمس مالت ف المغربية

تنده علي الأمة الابية

شدي حيلك و مدد

إفردي ضفايرك يابهية

...

ولفي الشال ع الجلبية

والآمال عايشه صابية

عايشه فيكي للابد

يامصر ياأجمل هدية

......

الحلم مش حلم نوم

دا حلم أمه وقوم

لايوم هننسي فجر

ولا يوم يهزمنا لوم

.......

معدشي ليه باين بشاير

اللي حبك لقي خساير

ضاعت كل أحلام زمانه

عبينا الخيبة ف شكاير

.........

ولادك ياادَم بدو بالشر

أول قتيل ياابو البشر

كان هابيل سدسكم

وشهد الغراب ع الخبر

........

كان الشيطان لا مشر

لساه لاغوي ولا كفر

طبع الغدر فينا صفة

زاد ياادَم وإنتشر

.........

أكتب وقول للبشر

أيوب قوي لما صبر

حمد الكريم ولا غاوي

شفاه المولي لما شكر

......

أعمل حساب وخد مسافات

أصل البشر أحجام ومقاسات

وأعمل حساب لمتقلب ود

ولا تصدق إللي بوشين وحالات

..... ....

يايوم ميلادك السعيد

حقا هو ف الايام عيد

حقا هو يوما فينا يمر

مبشر ل عمرا مديد ..

......

شيطان وسوس ل آدم غواه

ساب نسيم الجنة وهواه

حس بغلطتة للمولي سجد

هبط للارض ملقاش مناه

........

كلنا ياخلق ولاد تسعة

بس الفرق ف العلام

فينا اللي لقي نور شمعة

بقي قيمه ومن الأعلام

.....

أكتب كلامي بالفطرة

مظبوط ع الورق مسطرة

الحب زمان كان صادق

وأسئلوا عبلة وعنتره

.....

بقايا حب و مسخرة

ودم رخيص ومجزرة

عقول تاية أيه السبب

حبيب قتل حبيبته منظرة

.......

رجعنا بالجهل وري

شيطان وفرض سيطرة

أيه السبب وليه ياتري

مفيش رحمه ولا مغفرة

مشاركه

0 comments:

إرسال تعليق

Item Reviewed: رباعيات ..بقلم : أحمد عرابى Rating: 5 Reviewed By: موقع الزمان المصرى

الاشتراك في: تعليقات الرسالة (Atom)