واقف أبص
وفى ايدى عود خس
على الفوضى اللى
فى مصر
قماش دبلان متعلق
فاكرينه بثمن بخس
أتاريه يكفى لباس
ونص
الكل طمعان يبنى
قصر
والحكاية منتهية
متفصلة على شوية
حرامية
باعونا حتة حتة
وجتتنا بقت مستويه
أبويا وأمى وعمتى
وأخويا وخالتى
عاليه
واقفين قدام الإسبتاليا
بيشحتوا نقطة ميه
أصل العلاج ناقص
فبيداروا خيبتهم
القويه
***
سنين واقفين
المرض أكل عظمهم
والنظر اسحب من
العين
ما أبويا كان بيزرع
فى الطين
وأمى عمرها ما
عرفت الأنين
وعمتى ما تختلفش
عنهم الإتنين
وأخويا عمره ما
قال آه
لا شمال ولا يمين
وخالتى عليه
صباح الهنا عليه
كانت تمشى صبيه
لا تقولى هيفا
ولا ماريا
***
واقف أبص
زيهم ناس كتير
وأنا لسه واقف
أبص
وفى ايدى عود خس
على الفوضى اللى
فى مصر
اصحى يا مصر
وخدينا فى حضنك
وادعلنا بالنصر
قومى بأه
ما عدش دمع
فى العين يتمص
ولا عاد قالب
ولا عاد نص
احنا تايهين
ومش عارفين
دول مين
هكسوس ولا ملاعين
همه عايزين
يسحبوا النور
من العين
وبسرقوا حبك
من قلوب ملايين
يا مصر..
انتى الحبيبه اللى
بتتحب
ودول سماسرة وولاد
كلب
اصحى بأه..
0 comments:
إرسال تعليق