ولا الزمان معيوب
وفيه خلل معطوب
ولا ماشى بالمقلوب
كل العيوب فينا
بسواد مالى القلوب
وحرام بقا المطلوب
وصبح لناس التوب
وطمعنا مالينا
حتى الفساد مرغوب
لكتير كمان محبوب
عايشين وفيه بندوب
ولربنا نسينا
بات الضعيف مغلوب
فى حقه صار منهوب
بالظلم عاش مكروب
دا كله بإيدينا
ياريت بسرعه نتوب
من معصيه وذنوب
دا مفيش كفن بجيوب
والآخره تكفينا
ناخد الكتاب مكتوب
و كل شىء محسوب
وفيه نجاح ورسوب
يارب نجينا
0 comments:
إرسال تعليق