خايف من الامتحانات وقلقان ومش مركز نفسى انجح واجيب تقدير
لو قلتلك ازاى تتغلب على قلقك دا ...هتنفذ الل هقلك عليه ولا ممكن ترد عليا وتقول ...عارف هتقولى ايه
طيب قول انا هقلك ايه
هتقولى....
لو انت مسافر بعيد هتستعد بشنطة سفر
وزاد
وطعام
وماء
وملابس
علشان تمشى وتسافر وانت مطمئن
فلازم انت كمان تستعد للامتحان من اول ما تدخل الدراسة
يعنى...كل درس تذاكره ...لخصه....اكتبه....دور على الاسئلة بتاعت السنوات الل فاتت علشان تحلها ...وبعدين توقع اسئلة جديدة خاصة بالدرس دا ... وبكدا مفيش حاجة هتتراكم عليك وهتدخل الامتحان وانت مطمن نسبيا وقلقان نسبيا بس قلق يحفزك مش هيحبطك
وكمان.... لازم لما تسمع نداء الله اكبر سيب الل فى ايدك وصلى علشان تستمد القوة من القوى والعلم من العليم
يبقا انت ....اجتهدت واستعنت بالله وعملت الل عليك ...
طيب
ما انت عارف الل هقولو ليك ... قلقان ليه بقا
ايوا ...لانى معملتش كدا والمادة تراكمت عليا ...اعمل ايه
هتعمل التالى
اليوم ٢٤ ساعة ...ابتدى بصلاة الفجر اولا..وذاكر من بعد الفجر لغاية الضحى مثلا يعنى للساعة ١٠ صباحا = حوالى اربع ساعات مذاكرة وبعدين نام ساعة وقوم صلى الظهر .. وذاكر ساعة فقط بعد الظهر ..ونام ساعتين قيلولة وقوم صلى العصر وذاكر من العصر للمغرب حوالى ساعتين يبقا انت ذاكرت حوالى ٦ ساعات وصلى المغرب وبين المغرب والعشا راحة ذهنية
وبعد العشاء ساعتين هتلاقى نفسك حصلت كويس معرفيا ونمت كويس وارتبطت ببيت الله واخذت القوة والعلم والمعرفة واعتمدت على الله فى كل حياتك ...
بكدا تقدر تتغلب على القلق المرضى الخاص بالامتحانات
والله يعلمك من علمه ويوفقك لما يحب ويرضى
0 comments:
إرسال تعليق